HUSMORHÆREN

Det kan det! Eg har gode assosiasjonar til ordet og resonnerer med det sjølv, men det er absolutt ikkje noko krav at du skal føle det likt. Eg tykkjer ordet «husmor» er beskrivande for fellesskapet; fordi essensen er at kvinner bør kunne få omfamne morsrolla og å ivareta heimen i større grad enn det dei fleste har reell moglegheit til i dagens samfunn. Dersom dei sjølve ynskjer det. Du treng ikkje føle deg kalla til dette sjølv eller ynskje det same for deg og ditt liv.

Undervegs i arbeidet med kvinnefellesskapet Husmorhæren, innsåg eg at eg ikkje har sjans til å drive det på hobbybasis. Det eine er at eg har utgifter på det, sidan blant anna denne påmeldingssida, Zoom og appen vi skal ha fellesskapet innpå kostar ein del. Og eg er nødt til å ha inntekt på det for å kunne skape, drive og vidareutvikle eit best mogleg fellesskap for oss.

Eg ynskjer også å bruke tid på å fronte verdiane våre utad, som eit bidrag til å forandre samfunnet, politikken, haldningane og handlingane i den retninga vi ynskjer.

Dessutan ynskjer eg både for meg sjølv og for dykk som også vil det; at vi alle kan vere husmødre med midlar. Og at den inntekta kvar einskild av oss har, kjem frå noko som følast riktig og viktig. Noko som er med å utgjer ein liten eller ein stor skilnad. Noko som er lystbetont og som vi føler oss kalla til! Noko som det er meininga at ein skal drive med, noko som er ei av eins eigne livsoppgåver. Det kan vere å sy, bake, produsere mat, skrive, snakke eller noko heilt anna. 

Men at dette i alle fall på sikt, er noko som ikkje opptek heile dagar eller er ei tilnerma standard arbeidsveke. At vi kan bruke mesteparten av tida og energien vår nettopp på familien og heimen.

Kanskje kjem Husmorhæren til å vere svaret for meg. Dersom det blir slik, kjem eg aldri til å ta det eller dykk for gitt. Og eg vil kjempe endå meir kraftfullt for oss, for verdiane våre og det vi SER! Med alle dykk i ryggen, og med tilliten dykk har gitt meg som ei ekstra kraft.

Og så håpar eg at du gjennom å vere ein del av fellesskapet, finn dine svar. At du blir inspirert og motivert, får nye idéar at du får meir klarheit i din eigen veg vidare. Både gjennom eksterne føredragshaldarar, meg og samtalar med dei andre kvinnene. 

Vi fortjener å vere husmødre viss vi vil, viss vi føler oss kalla til det, viss vi kjenner i kroppen, i hjartet og i sjela at det er det riktige for oss. Og at det er det riktige å bidra med. Vi fortjener å vere husmødre - med midlar!

Det er kanskje nettopp det som er den perfekte balansen, den gyldne middelveg. Brua mellom det tradisjonelle og det moderne, mellom fortid og her vi no står. 2025-husmødrene kan utrette så mykje stort, så mykje viktig, på så mange områder og så mange plan.

Då det ikkje er noko oppmøteplikt på sirkeltreffa og det varierer kor mange som har anledning, varierer det kor mange vi er.

Det blir kvar månad satt opp sirkeltreff på dagtid kvardag, på ettermiddag kvardag og på helgetid. Dette for å imøtekome alle når det gjeld å ha anledning til å kome på minst eitt.

Det blir satt opp minst eitt treff på kvar av nevnte tider. Det ideelle er truleg maks 8 personar på kvart sirkeltreff. Når eg opplev at vi er for mange, set eg opp fleire treff på populære tider.

Dersom du har ynskje for kva dagar og klokkeslett det blir satt opp sirkeltreff, strekk eg meg langt for å imøtekome det.

Ein treng absolutt ikkje ha barn for å vere med i kvinnefellesskapet Husmorhæren! Eg har heller ikkje biologiske barn sjølv.

Tekst kjem

Eg hadde eigentleg lyst til å ha månadsmedlemskap med ein gong eg starta opp Husmorhæren, men valgte det vekk fordi eg var oppteken av å skape eit mest mogleg stabilt, føreseieleg og trygt fellesskap for medlemmane.

Eg frykta at månadsmedlemskap kom til å vere eit hinder for dette. Eg tenkte at med folk som kjem og går kvar månad, kan det generere at ein får mindre utbytte av sirkeltreffa. At det kan blir vanskelegare å skape tryggleik og å bli godt kjend. Difor bestemte eg meg for å ha bindingstid der ein kunne velje mellom 6 eller 12 månadar.

Men no som Husmorhæren har eksistert ei tid (sidan mars/april 2025), har eg erfart at det uansett varierer kven og kor mange som deltek på sirkeltreffa. Og ein viktig ting eg har lagt merke til; er at uansett så er energien og essensen likevel lik. Det er som at Husmorhærens and er ein form for container eller grunnmur for oss alle og for alt som skjer i fellesskapet.

Og så er jo eg der kvar gong, som eit kjend ansikt, fast haldepunkt og ei tryggleik uansett om det også dukkar opp nye.

Med månadsmedlemskap kan det potensielt bli slik at nokon kjem inn og nokon går ut kvar månad. Men eg fryktar ikkje lenger at det skal bli negativt for fellesskapet. Det kjem an på korleis ein ser det!

Det at ein møter ulike menneske på dei ulike sirkeltreffa; bidreg berre ytterlegare til at vi alle får utbytte av dei. Vi alle sit med så mykje verdifullt som vi kan gi til kvarandre. Og eg har tiltru til at nye damer som kjem inn; passar inn med oss og blir ein naturleg del av Husmorhæren.

For nokon kan det bli lettare økonomisk å bli med i Husmorhæren, når ein kan betale månadleg i staden for å melde seg inn for eit halvt år eller eitt år om gongen. Og det kan gi kvinner ei moglegheit for å teste ut éin månad - for så å bli verande om det er meninga og følast riktig.